Բարի գալուստ մեր դպրոցի կայք

Design Gallery

Հարգելի բարեկամ

Ողջունում եմ Ձեզ՝ Վանաձորի Գ.Չաուշի անվան 24 միջնակարգ դպրոցի պաշտոնական կայք այցելելու համար:

Մեր կայքում Դուք կգտնենք բավարար տեղեկատվություն դպրոցի, նրա կառուցվածքի, առօրյայի, նպատակների, խնդիրների, հաջողությունների, հաղթանակների և նվաճումների մասին:

Մեզ համար կարևոր է Ձեզնից յուրաքանչյուրի կարծիքը, Ձեր առաջարկությունները, որոնք կարող են լինել ի նպաստ դպրոցի ամենօրյա բարգավաճման:

Տրվեց քննական մեկնարկը…

2018թ. հունիսի 2-ին տրվեց Վանաձորի Գ. Չաուշի անվան N24 միջն. դպրոցի չորրորդ դասարանցիների գիտելիքների ստուգման մեկնարկը: Որքան էլ մենք դա որակում ենք գիտելիքների ստուգման գրավոր աշխատանք, միևնույնն է, դա IV դասարանի աշակերտների և ծնողների համար քննություն է որակվում: Տեսնեք, թե ինչպիսի~ սրտի թրթիռով, ինչպիսի~պատասխանատվությամբ, ինչպիսի~ անկաշառ դողով են պատրաստվում քննություններին և' մեր սաները, և' մեր ուսուցիչները, և' ծնողները: Հենց այդ պատասխանատվությունն է, որ տալիս է այն պտուղները, որոնք ակնկալում են նրանց ուսուցիչները: Շնորհակալություն մեր դասվարներին` Անահիտ Գաբրիլյանին, Լիանա Ստեփանյանին, Հռիփսիմե Տոնոյանին: Մեղվի նման ժրաջան աշխատելու արդյունքում անտարակույս կհավաքես նեկտարը և հաստատ բարձրորակ §մեղր¦ կստանաս: Ահավասիկ` 86 չորրորդ դասարանցիներից 9-10 միավոր են ստացել 55 աշակերտներ, 7-8 միավոր են ստացել 23 աշակերտներ, չունենք անբավարար ստացած աշակերտ: Հուսանք, որ այս խանդավառությամբ աշխատելու են նաև V դասարանում: Հիշե'ք, գիտելիքը մնում է գիտելիք, գիտելիքով զինված աշակերտը անսասան է: Չեմ բացառում, որ V դասարանում աշակերտները և ծնողները հոգեբանական փորձության են ենթարկվում. չէ± որ փոխվում են չափորոշչային պահանջները, փոխվում են ուսուցիչները, ավելանում են առարկաները, և երբեմն արդյունքում IV և V դասարանների գնահատականների միջև տարբերություն է առաջանում, ինչը առաջացնում է ծնողների վրդովմունքը: Սիրելի' ծնողներ, դա բնական ճանապարհ է, մի' շտապեք եզրակացություններ անել, թու'յլ տվեք երեխային և ուսուցչին ճանաչել մեկը մյուսին, ինտեգրվել իրար և պահանջներին: Հավատացե'ք, հաստատ զուլալվում է ամեն ինչ, և վերջին հաշվով փրփուրն է բարձրանում ջրի երես, ծանրակշիռ գիտելիքները մարգարիտների նման մնում են ջրի հատակին և ընդմիշտ տեղվորվում իրենց խեցիների մեջ: Այնպես որ, գիտելիքը չի կորչում, եթե այն հիմնավոր է: Սովորե'ք և սովորեցրե'ք կռիվ տալ գիտելիքների հետ, ոչ թե գնահատականների. վերջին հաշվով դա նիշ է և երբեմն այն չէ, ինչ կա իրականում: Իսկ իրականությունը երբեք խաբկանք չէ… Փոխտնօրեն` Արմիկ Մելքոնյան

նկարներ




Սեպտեմպերի 1-ը Վանաձորի Գ.Չաուշի անվան

N24 միջնակարգ դպրոցում

Միջոցառմանը ներկա էին Վանաձորի քաղաքապետ Մամիկոն ԱսլանյանԸ, ԱԺ պատգամավոր Արկադի Համբարձումյանի աշխատակազմի ղեկավար Ալիկ Սարգսյանը, դպրոցի կառավարման խորհրդի նախագահ Սեյրան Ղամբարյանը, կառավարման խորհրդի անդամ ԱԻՆ փոխգնդապետ Լևոն Դալլաքյանը,հյուրեր Վանաձորի զինկոմիսարիատից: ԱԺ պատգամավոր Արկադի Համբարձումյանի, Վանաձորի քաղաքպետ Մամիկոն Ասլանյանի և դպրոցի կառավարաման խորհրդի նախագահ Սեյրան Ղամբարյանի կողմից դպրոցի բոլոր առաջին դասարանցիներին նվիրվեց դպրոցական պայուսակներ և գրենական պիտույքներ:

նկարներ